Të bëni një dhuratë për njerëzit e afërm të zemrës mund të ju duket një punë mjaft e vështirë, mirëpo disa dhurata duhet ti shmangni këtë vit në mënyrë që ti surprizoni sa më shumë të afërmit, përcjell InLajmi.
Të bësh një dhuratë për një person special, shpesh herë është e vështirë, mirëpo ka disa dhurata që nuk duhet t’i bëni për festat e fundvitit.
Shalli ose kravata
Shalli dhe kravatat janë dhuratat më të zakonshme dhe mbajnë vendin e parë për klishe.
Pothuajse të gjithë pa përjashtim kemi dhuruar dhe kemi marrë një dhuratë të tillë dhe për këtë fakt, ato janë kthyer në dhurata klishe dhe shumë të përdorura.
Kuleta
Kuleta është një objekt shumë personal, edhe pse në përshtypje të parë nuk duket kështu. Në të, çdokush mban gjëra personale dhe zgjedhja e tij është shumë e vështirë për t’ia dhuruar tjetrit.
Një film në DVD
Sot, me zhvillimin e teknologjisë, pothuajse të gjithë mund të shohin filmin më të fundit në saj të faqeve të ndryshme në internet. Ndaj të dhurosh një DVD është e kotë.
Parfumi
Përveç se është një ndër dhuratat më të shpeshta, shpesh herë ai mund të keqkuptohet. Kush e merr, mund të mendojë se parfumi i tjetrit nuk është aq i mirë.Nëse tashmë e keni vendosur që të dhuroni një të tillë, sigurohuni që t’i dini mirë preferencat e personit që do ta marrë atë, shkruan BuzzFeed.
Qirinjtë
Qirinjtë, edhe pse gjatë festave janë shumë të pranishëm, nuk janë një dhuratë e bukur apo e vlerësuar nga të gjithë. Për disa mund të jetë një dhuratë tepër e rafinuar dhe për disa të tjerë diçka shumë qesharake dhe e paktë./InLajmi/
