Ndërmarrja Publike Trepça pritet që të ndajë gjysmë milion euro për t’u furnizuar me eksploziv.
Kjo u bë e ditur përmes njoftimit të publikuar për dhënie të kontratës të publikuar në faqen zyrtare të Komisionit Rregullativ të Prokurorimit Publik.
Trepça” ka bërë me dije se eksplozivi po i nevojitet për Minierën e Stantërgut.
Vlera e përgjithshme e kontratës është 519 mijë e 650 euro, derisa kohëzgjatja e kontratës është për një vit.
Për këtë tender ishin pranuar ofertat e dy kompanive, por që në fund fituese është shpallur kompania “Ex Projekt”.
Kontrata është dhënë më 7 dhjetor, derisa nënshkrimi i saj është planifikuar të bëhet me 11 dhjetor të këtij viti, shkruan Gazeta Metro.
Çdo palë e interesuar mund të bëjë ankesë pranë Autoritetit Kontraktues në bazë të nenit 108/A te ligjit Nr. 04/L-042 për Prokurimin Publik të Republikës se Kosovës, i ndryshuar dhe plotësuar me ligjin Nr. 04/L-237, ligjin Nr. 05/L-068 dhe ligjin Nr. 05/L-092 ne adresën e specifikuar ne Nenin I te këtij Njoftimi për dhënie te kontratës.
