Ministria e Infrastrukturës dhe Ambientit përmes një njoftimi ka treguar se të gjitha rrugët e Kosovës janë të kalueshme, përcjell InLajmi.
MIA ka thënë se në disa rrugë është hedhur kripë për shkak të ngricave, kurse reshje bore nuk ka pasur aks rrugor.
Ata kanë njoftuar se mirëmbajtja e rrugëve vazhdonn për 24 orë në gjithë Republikën e Kosovës për evidentim të çdo rreziku nga vozitësit.
Njoftimi i plotë i Ministrisë së Infrastrukturës:
Në disa akse rrugore është hedhur kripë për shkak të ngricave, ndërsa reshje nuk ka pasur në asnjë aks rrugor.
Mirëmbajtja e rrugëve vazhdon 24 orë në tërë Republikën e Kosovës.
Në autoudhën R6, Doganaj-Hani i Elezit, gjatë 24 orëve nuk ka pasur reshje të borës dhe të gjitha rrugët janë të kalueshme.
Borë nuk ka pasur as në autoudhën A7, Morinë-Gjurgjicë.
Në regjionin Prishtina 1 dhe 2, gjendja e rrugëve është e mirë, pa të reshura të borës gjatë 24 orëve të fundit.
Në regjionin e Prizrenit, të gjitha rrugët nën menaxhimin e Ministrisë së Infrastrukturës janë të qarkullueshme dhe nuk ka pasur të reshura të borës.
Po ashtu në regjionin Peja 1 dhe 2 të gjitha rrugët janë të kalueshme dhe s’ka pasur reshje të borës gjatë 24 orëve.
Në regjionin e Ferizajt ka pasur hedhje të kripës për shkak të ngricave, por pa të reshura bore./InLajmi/
