Ylli i Juventusit, Cristiano Ronaldo dhe ai i Barcelonës, Lionel Messi kanë shënuar 1462 gola bashkë dhe fituar 11 Topa të Artë, gjatë karrierës së tyre të bujshme.
Më poshtë është bërë një krahasim i statistikave të tyre kokë më kokë.
Të dy gjigantët takohen përsëri për herë të parë pas 31 muajve, kur Ronaldo u largua nga Real Madrid në korrik të vitit 2018, pas nëntë viteve të kaluara në La Liga dhe një rivaliteti të rëndësishëm me yllin e Barcelonës, Messi.
Argjentinasi duket se ishte afër të largohej këtë verë, por qëndroi edhe për një sezon në Camp Nou, ku sonte të dy super yjet takohen përsëri në Kataluni.
Dyshja takohen për herë të 34-të në total mes vete dhe për të gjashtën herë në Ligën e Kampionëve.
Ronaldo, i cili mungonte në ndeshjen e parë për shkak të coronavirusit, nuk ka shënuar kurrë kundër Barcelonës në Ligën e Kampionëve, por Lionel Messi e ka gjetur rrjetën tre herë në pesë ndeshjet të luajtura kundër yllit portugez.
Ata u takuan për herë të parë në gjysmëfinale të kësaj gare në sezonin 2007-08, kur Ronaldo luante për Manchester United, dhe më pas në Finale vitin e ardhshëm.
Në sezonin 2010-11, Barcelona mundi Real Madrid 3-1 në gjysmëfinale të turneut, hera e fundit që dy yjet u takuan në Evropë.
Ronaldo ka luajtur të gjitha 450 minutat e ndeshjeve kundër Messi pa shënuar ose asistuar. Argjentinas gjithashtu dominon statistikat për shanset e krijuara me 1.2 raste për ndeshje kundër Ronaldos me 0.8, shkruan Telegrafi.
Cristiano Ronaldo v Lionel Messi
Golat në karrierë: 750 v 712
Golat në Ligën e Kampionëve: 132 v 118
Golashënuesi më i mirë në Ligën e Kampionëve: 7 v 6
Trofetë e klubeve: 30 v 34
Trofetë e Ligës së Kampionëve: 5 v 4
Fituesit e Topit të Artë: 5 v 6
