U.d. Presidentja e Kosovës, Vjosa Osmani, në përputhje me përgjegjësitë kushtetuese, ka ndarë dekorata post mortem me Medaljen Presidenciale të Meritave për 18 profesionistë shëndetësorë, të cilët humbën jetën në detyrë në përballje me Covid-19, përcjell InLajmi.
Vjosa Osmani ka thënë se kjo është mirënjohje e të gjithë qytetarëve ndaj atyre që duke respektuar betimin e Hipokratit bënë të pamundshmen në trajtimin e pacientëve të prekur me Covid-19. Ajo shtoi se përkushtimi i tyre ndaj vlerave humane dhe ndaj profesionit të tyre është shenjë e vetëdijes të lartë profesionale dhe njerëzore.
“Përkushtimi i tyre ndaj vlerave humane dhe ndaj profesionit të tyre, si dhe sakrifica e tyre sublime në mbrojtje të shëndetit të pacientëve të tyre, është shenjë e vetëdijes më të lartë profesionale dhe njerëzore”, ka thënë në ceremoni u.d. Presidentja Osmani. /InLajmi/
