Një nga problemet më të shpeshta, sidomos në dimër, janë buzët e thara, transmeton InLajmi.
Marrja e një balsami buzësh nga farmacia apo dyqani më i afërt nuk është gjithmonë zgjidhja më e mirë, siç mund ta keni menduar.
Kimistja kozmetike Charlene Valledor thotë se buzet mund të jenë rezultat i klimës së thatë dhe mungesës së hidratimit.
Buzët e thata kronike mund të jenë rezultat i një klime të thatë, akumulimit të lëkurës së thatë në buzë, ose mospirjes së mjaftueshme të ujit dhe mungesës së hidratimit.
Mund jenë gjithashtu rezultat i një reaksioni alergjik ndaj përbërësve në balsamet e buzëve që po përdorni. Shumë njerëz në të vërtetë janë alergjikë ndaj disa prej përbërësve në dukje ‘të mirë’ në shumë balsame, të tilla si lanolina, dylli i bletës dhe vaji i kokosit.
Në fakt, buzët e thata mund të shkaktohen nga gjithçka, nga moti, te produktet për kujdesin e lëkurës, deri te dieta juaj.
Estetistja Valledor thotë se buzët e thata mund të jenë edhe rezultat i mungesës së vitaminës B.
Themeluesi i Perfect Image, David Petrillo thotë se edhe alergjia ose një sërë faktorësh të tjerë ndikojnë në qarje të buzëve
Faktorë shtesë mund të çojnë gjithashtu në buzë të copëtuara, të tilla si alergjia ndaj përbërësve ose ushqimeve, ilaçeve të caktuara që përdorni, disa çrregullime mjekësore si tiroidja ose sëmundje autoimune, parfumet në balsamet e buzëve, madje edhe thjesht lëpirja e vazhdueshme e buzëve mund të kontribuojë për t’i tharë dhe çarë buzët.
Petrillo rekomandon produkte me përbërës të tillë si vaj ricini, gjalpë shea, ose vaj avokadoje, shkruan Buzzfeed.
Provoni një balsam me bazë silikoni. Megjithatë mos e teproni me balsamin e buzëve./InLajmi/
