Gjatë raportimit Ministri i Punëve të Brendshme, Agim Veliu në komisionin për Qeverisje Lokale, Administratë Publike, Zhvillim Rajonal dhe Media ka pasur debat verbal me deputeten e Lëvizjes Vetëvendosje, Arbreshë Kryeziu, raporton InLajmi.
Kryeziu tha se një nga raportet në administratë publikë është politizimi dhe ndërhyrjet politike.
Njëra prej mangësive është politizimi dhe ndërhyrjet politike. Ajo që kemi parë në vazhdimësi si punësimi është politizuar. Ata që vijnë nëpërmjet lidhjeve politike.
Ministri Veliu ka thënë se nuk pajtohet me deklaratat e saj duke thënë se administrata bën punën sipas rregullave, ndërsa nuk beson për punësime politike.
Nuk kam bërë ndonjë studim. Por kam vërejtur se administrata publike është e përgatitur dhe e kryen punën e vet në bazë të rregullave të përcaktuara. sa i përket ndikimeve nuk besoj që ka dikush imun, nuk jeni as ju atje ku keni pas mundësi.
Deputetja e VV-së ka pyetur ministrin për ligjin për sektorin publik, por ai thotë se nuk është ftuar të flas mbi këtë temë
Në bazë të kërkesës së komisionit unë kam ardhur për dy pika, procesi i bashkimit, dhe procesi i funksionalizimit të reformës së administratës publike.
Kryeziu, tha se pyetjet e saj kanë të bëjnë me reformën në administratë publike duke ironizuar se janë mësuat që të lexojnë ndërsa pyetja nuk ishte jashtë temës.
Jeni mësuar të lexoni, keni avancuar. Gjithçka çka unë fola nuk ka aspak të bëjë jashtë asaj që jeni ftuar të folni. Ju edhe mund të zgjidhni të mos përgjigjeni sepse nuk ua kanë shkruar.
Ministri Veliu duke iu drejtuar asaj tha se edhe ajo e ka lexuar pjesën e propagandës./InLajmi/
