Ish-presidentja e Kosovës, Atifete Jahjaga në konferencën “Progresi dhe sfidat e procesit të njohjes së statusit të viktimave të dhunës seksuale gjatë luftës në Kosovë” tha se viktimat e dhunës seksuale gjatë luftës në Kosovë po stigmatizohen ende nga shoqëria, raporton InLajmi.
Jahjaga shtoi se ka ende probleme në rehabilitimin dhe intengrimin e këtyre grave në shoqëri, derisa kërkoi që të punohet më shumë për to dhe familjet e tyre nga të gjitha institucionet për të krijuar të drejta që ju garantohen me ligj.
Kjo temë ka qenë misioni i yni i përbashkët për vite me radhë. Të mbijetuarat ende po përballen me stigma. Shumica prej nesh e dinë që rrugëtimi ynë që nga themelimi i Këshillit kombëtar për viktimat e dhunës gjatë luftës nuk ka qenë i lehtë por i rëndë sidomos për të mbijetuarit. Vendimi për themelimin e komisionit për kërkesat e të mbijetuarit është angazhim dhe punë e palodhshme që të krijohen kushtet dhe të drejtat që ju garantohen me ligj.
Atifete Jahjaga tha se te mbijetuarat kanë ende pasiguri në shoqëri për krimet e kryera padrejtësisht në trupin e tyre andaj edhe duhet një bashkëpunim i ngushtë me akterët e njohjes së statusit të tyre.
Edhe më tutje po pengohet rehabilitimi dhe integrimi i të mbijetuarave. Të largohen stigmat dhe paragjykimet ndaj tyre. Të mbijetuarit ende kanë pasiguri në shoqëri për një krim që u krye padrejtësisht në trupin e tyre. Ne duhet të punojmë më shumë me familjet e tyre. Duhet bashkëpunim i ngushtë me akteret e njohës së statusit të tyre. Të informohen sa më saktë për procesin e aplikimit. Të rishikohet afati ekzistues për 5 vitesh për të njohur statusin. Ky afat nuk ndihmon në zbardhjen e plotë të rasteve./InLajmi/
