Një ngjarje e quditshme ka ndodhur në një nga kafenetë e Prishtinës, ku një shitësi cigaresh ia lyen duart me një alkool të djegshëm dhe i vunë zjarr.
Policia e Kosovës ka thënë se aktualisht janë duke u intervistuar 2 personat e përfshirë në ngjarje dhe viktima.
“Sa i përket ngjarjes në fjalë, policia është duke e trajtuar në koordinim të ngushtë me prokurorinë. Aktualisht personat e përfshirë më këtë ngjarje janë duke u intervistuar. Pas përfundimit të fazës fillestare të hetimit , do të njoftoheni me detaje.”, tha zëdhënësja Flora Ahmeti.
Një cigarexhiu të njohur në Prishtinë, iu lyen duart me një alkool të djegshëm dhe iu vu zjarri.
Cigarexhiu e përjetoi rëndë, duke u mundur t’i fikte e duke bërtitur, ndërkohë që ata që i vunë flakën qeshin dhe e tallnin.
Siç edhe shihet në videon e siguruar nga gazeta, cigarexhiu vazhdon të ndjejë dhimbje dhe mundohet të shmanget nga tavolinat ku iu kurdis gjithçka.
Të qeshurat, ndërkaq, vazhduan me disa sekonda dhe askush nuk e mori mundin ta qetësonte e as t’i ofronte ndonjë ndihmë cigareshitësit, shkruan Reporteri.
E gjithë ngjarja dihet, është se ka ndodhur në një kafene tek rruga e njohur si “te kafetë e vogla”.
