2 persona janë lënduar në një aksident trafiku në hyrje të autostradës në fshatin Mazgit.
Në aksident janë përfshirë 2 automjete.
Në vendin e ngjarjes kanë dalë policia, emergjenca si dhe zjarrfikësit.
Kështu për Klan Kosova tha zëdhënësi i policisë së Kosovës Daut Hoxha.
“Rreth orës 18:45, Policia ka pranuar informatën për një aksident trafiku afër Mazgitit. Njësitet policore kanë dalë në vendin e ngjarjes, dhe sipas informacioneve fillestare dy automjete janë përfshirë në aksident dhe dy persona vërehet se kanë marrë lëndime trupore. Janë njoftuar edhe ekipet e emergjencës dhe zjarrfikësat për të asistuar në vendin e ngjarjes. Trafiku rajonal i Prishtinës është në lokacion duke u marrë me rastin, për të sqaruar rrethanat dhe identifikuar shkaktarin e aksidentit”.
