Javën e kaluar në një seancë publike për rreth 6 orë ështe diskutuar kërkesa e Lëvizjes Vetëvendosje ku kishte kërkuar nga Kushtetuesja të verifikohej nëse vota e deputetit Etem Arifi ishte legjitime,e gjithë kjo pasi që në kohën kur ai kishte votuar për formimin e qeverisë ishte i dënuar me vendim të prerë të gjykatës, shkruan InLajmi.
Gjykata Kushtetuse ende nuk ka marrur një vendim rreth kësaj çështje duke e lënë të hapur mundësinë që deri me datën 7dhjetor palët t’i paraqesin argumentet që i kanë dhënë në seancë.
Pas përfundimit të seancës, e cila zgjati për gati 6 orë, Kryetarja e Gjykatës Kushtetuese, Arta Rama Hajrizi, njoftoi se palët kanë kohë deri më 7 dhjetor për të përcjellë argumentet e deklaruara në seancë me shkrim.
“Palët kanë mundësinë të paraqesin në Gjykatë argumentet që ata kanë paraqitur me shkrim. Ato nuk janë të detyrueshme, por mund ta bëjnë këtë deri më 7 dhjetor. Ne morëm një letër me email nga avokati i Berishës, në të cilin ai dërgoi një përmbledhje të argumenteve ”, tha Rama Hajrizi.
Një vendim do të merret në ditët në vijim.
“Palët dhe publiku do të informohen në lidhje me njoftimin.” Tani, Gjykata Kushtetuese do të tërhiqet, dhe në ditët në vijim, ajo do të mblidhet në një seancë për shqyrtim dhe votim, ku do të vendosë për atë çështje. Palët do të njoftohen në kohën e duhur ”, tha Hajrizi.
Në seancë, Lëvizja Vetëvendosje u përfaqësua nga Blerim Salja dhe deputeti Artan Abrashi. Qeveria u përfaqësua nga avokati Besnik Berisha dhe asambleja u përfaqësua nga këshilltari ligjor i Presidentit Vjosa Osmani, Artan Murati.
Çdo vendim i Gjykatës Kushtetuese mund të sjellë një situatë të re politike në Kosovë. /InLajmi/
