Prishtina të premten të lamë pas nuk mundi të shkojë më shumë se në kuotën e një pikë në fushën e vetë kur barazoi me Feronikelkin 0:0, në një ndeshje tejet të zbehtë dhe me shumë pak raste (hiq një penalltie të humbur).
Ai dështim i Prishtinës bëri që gjasat për titull të zbehën edhe më shumë, megjithatë në kampion bardhekaltër nuk dorëzohen.
Faqja zyrtare FC Prishtinës, sot gjatë paralajmërimit të ndeshjes me Gjilanin ka shkruar se të mërkurën duhet të dëshmojnë se janë skuadër më e mirë.
“Prishtina të mërkurën duhet të dëshmojë që është skuadër më e mirë.
Gjilani është skuadra e vetme që ka mposhtur Prishtinën në “Fadil Vokrri” në 18 ndeshjet e fundit, si dhe kundërshtari i vetëm që dy përballjet e fundit ka fitore kundër bardhekaltërve”, ka shkruar FC Prishtina.
Ndeshja Gjilani – Prishtina luhet nga ora 13:00 në kuadër të javës së 17-të dhe vetëm fitorja do t’i mbante ende gjallë shpresat të këtyre skuadrave për t’i arritur objektivat që kanë, daljen në arenën ndërkombëtare, shkruan Zëri.
Prishtina pas 15 ndeshjeve është në pozitën e 3-të me 25 pikë, 11 më pak sesa Drita në vendin e parë, derisa Gjilani është një pozitë me poshtë me 23 pikë të tubuara.
