Ministria e Shëndetësise dhe Qeveria Japoneze kanë nënshkruar sot një marrëveshje për grante në kuadër të Programit për Zhvillim Ekonomik dhe Social në Qeverinë e Republikës se Kosovës e cila ështe nënshkruar me 21 shtator të këtij viti përcjell InLajmi
Mbështetja që i ështe ofruar Kosovës nga ana e Qeverisë Japoneze është në vlerë prej 800.000 euro dhe përfitues të kësaj ndihme janë Ministria e Shëndetësisë ndërsa shfrytëzues janë shërbimi spitalor dhe Klinika Universitare e Kosovës. Ky subvencion do të shkojë kryesisht për sigurimin e pajisjeve dhe mirmbajtjen e tyre.
Nënshkrimi i kësaj marrëvëshje është bërë nga Ushtruesi i Detyrës se Sekretarit të Pergjithshëm në Ministrin e Shëndetësisë Ardian Mehmetaj dhe i ngarkuari me punë në Asamblenë e Japonisë në Kosovë Mitsunori Ogasaëare.
Këtë e ka bërë të ditur Ministria e Shëndetësisë me një njoftim zyrtar të postuar në llogarinë e saj në facebook.
Postimi i plotë i Ministrisë së Shëndetësisë:
Nënshkruhet marrëveshja për grantin prej 800 000 euro ndihmë e Japonisë për shëndetësinë në Kosovë
Prishtinë, 7 dhjetor 2020
Ministria e Shëndetësisë, përkatësisht Shërbimi Spitalor dhe Klinik Universitar i Kosovës do të jetë përfituese e një ndihme të Qeverisë së Japonisë në vlerë prej 800.000 eurove për të siguruar pajisje dhe mirëmbajtur ato.
Kjo, pasi Ministria e Shëndetësisë dhe Qeveria e Japonisë kanë nënshkruar sot Marrëveshjen për zgjatjen e ndihmës së Grantit për Programin e Zhvillimit Ekonomik dhe Social në Qeverinë e Republikës së Kosovës, të nënshkruar më 21 shtator 2020.
Ky nënshkrimin është bërë nga Ushtruesi i Detyrës së Sekretarit të Përgjithshëm në MSh, z. Ardian Mehmetaj dhe i ngarkuari me punë në Ambasadën e Japonisë në Kosovë, z. Mitsunori Ogasaëare.
Marrës i grantit të nënshkruar është Ministria e Shëndetësisë, ndërsa shfrytëzues i tij është Shërbimi Spitalor dhe Klinik Universitar i Kosovës, për të cilën granti do të shërbejë për sigurimin e pajisjeve mjekësore dhe mirëmbajtjen e tyre.
Në takimin konsultativ ku është nënshkruar marrëveshje përveç MSh dhe përfaqësuesve të Qeverisë së Japonisë kanë marrë pjesë (online) edhe Croën Agents Japan me qëllim të zbatimit të donacionit përmes “Japan’s Grant Aid the Economic and Social Development Programme” (Provision of Medical Equipment), që ka për qëllim sigurimin e pajisjeve për SHSKUK. /InLajmi/
