Reperi Labinot Gashi i njohur si Gashi ka ndarë disa moment nga jeta e tij, përcjell InLajmi.
Dje reperi ka publikuar një nga videoklipet e tij të para, që është realizuar 10 vite më parë. Gashi ka treguar se asokohe ishte në 3 punë dhe sërish ishte i varfër duke dhënë një mesazh se nuk duhet dorëzuar asnjëherë pasi mundi një ditë do të shpërblehet.
“Isha në 3 punë kur kam xhiruar këtë video. Dhe sërish isha i varfër. Por gjëja më e mirë ishte se nuk u dorëzova… vazhdova përpara”, ka shkruar Gashi.
Më pas ai ka postuar videon nga spektakli i Jimmy Fallon, ku moderatori shfaqet duke mbajtur albumin “1984” të Gashit në duar. Gashi shprehet se 10 vite punë ja kanë vlejtur për të arritur një mbrëmje të tillë të madhe suksesi.
Shpesh ai është shqetësuar se nuk është vlerësohej kurrë aq sa duhet në industrinë muzikore.
Dhë në fund Gashi falenderoi mbështetësit e tij të cilët i konsideroi si arsyja pse ai vazhdon tutje edhe pse albumi I tij 1984 nuk ishte nominuar për çmimet Grammy.
“Për fansat ose mbështetësit e mi
Ju jeni arsyeja pse unë jam gjallë… Albumi im 1984 nuk u nominua në çmimet Grammy dhe po kjo gjë më mërziti, por ju jeni arsyeja pse unë nuk po e humbas veten time, sepse kam punuar shumë fort për këtë gjë, por dashuria që ju më keni dhënë është shumë më e vlefshme se një çmim. Faleminderit dhe lutem që kur të kthehem në turne t’ju dëgjoj të gjithëve ju duke kënduar këngët e mia fjalë për fjalë. Pa ju ne artistët jemi asgjë”, shkroi Gashi./InLajmi/
