Ministrja për Punë të Jashtme dhe Diasporë, Meliza Haradinaj-Stublla ka uruar Mbretërinë e Tajlandës me rastin e Ditës Kombëtare, përcjell InLajmi.
Në njofimin e Ministrisë së Punëve të Jashtme dhe Diasporës, ka uruar përzemërsisht këtë shtët që ka njohur pavarësinë e Kosovës më 24 shtator të vitit 2013, dhe po në të njëjtin vit, më 22 nëntor, të dyja vendet vendosen marrëdhëniet diplomatike.
Haradinaj-Stublla ka thënë se edhe pse marrëdhëniet me Tajlandën janë të largëta gjeografikisht kanë miqësi të ngushtë me këtë shtet dhe do forcohen vazhdimisht
Marrëdhëniet midis Republikës së Kosovës dhe Mbretërisë së Tajlandës – edhe pse gjeografikisht janë të largëta – bazohen në parimet e pandryshueshme të besimit dhe mirëkuptimit, dhe unë besoj fort se lidhja e ngushtë dhe miqësia që ndajmë së bashku, do të vazhdojnë të forcohen dhe zhvillohen në të mirë të të dyja vendeve tona në vitet në vazhdim.
Në këtë kohë sfiduese që bota po përballet në një luftë kundër pandemisë COVID-19, përfitoj nga rasti të përcjell urimet më të mira për mirëqenien Tuaj personale, si dhe paqen, shëndetin dhe prosperitetin e vazhdueshëm për popullin mik të Mbretërisë të Tajlandës,ka thënë Haradinaj-Stublla./InLajmi/
