Shefi i Grupit Parlamentar të Lëvizjës Vetëvendosje, Liburn Aliu, ka thënë se PDK-ja, duke e thirrur seancën e jashtëzakonshme për votimin e Rimëkëmbjes Ekonomike, po bëhet bashkë me LDK-në dhe se nuk po dihet se cila parti ka ndikuar në tjetrën sepse, çdo herë në kriza LDK e PDK bëhen bashkë, përcjell InLajmi.
Shefi i Grupit Parlamentar të PDK-së, Bedri Hamza, ka nisur fjalën e tij në seancën e Kuvendit duke i reaguar VV-së duke thënë se jemi xheloz për ju pasi koalicionin e funsit e kishit me LDK-në.
Ne kemi pasur koalicion me Lidhjen Demokratike dhe me partitë e tjera. Tani jemi pak xheloz se ju në fund e keni pasur koalicionin e fundit me Lidhjen Demokratike dhe na morët partnerin, po sidoqoftë, e ardhmja nuk dihet cka sjellë.
Tutje Hamza ka treguar se pse vendosi që PDK-ja ta përkrah projektligjin për Rimëkëmbje pasi që ky është ligj për qytarët e Kosovës.
Ligji që e kemi sot nuk është për votuesit e një subjekit, është ligj për të gjithë qytetarët e Kosovës dhe për biznesët në Kosovë.
Ai shtoi se do vazhdojnë të jënë opozitë e Qeverisë.
Jemi opozitë e Qeverisë dhe vazhdojmë të jemi opozitë e Qeverisë, por nuk mundemi në infinit të jemi opozitë e interesave të shtetit./InLajmi/
