Gjykata themelore e Gjilanit e ka dënuar me burgim të përjetshëm të akuzuarin Nuhi Mavroqani i cili ka provuar nga jeta bashkëshorten e tij me një shufër metalike, përcjell InLajmi.
Gjykata atij i ka shqyrtuar dënimin me burg të përjetshëm me veprën penale “vdekje e rëndë”.
I akuzuari e kishte pranuar pjesërisht fajin për vrasjen e gruas së saj, kurse sot Gjykata i shqyrtoi vendimin e dënimit me burg të përjetshëm.
Trupi gjykues i Departamentit të Krimeve të Rënda, në përbërje të kryetarit, Zyhdi Haziri dhe anëtarëve Ramiz Azizi dhe Naser Maliqi pas dëgjimit të dëshmitarëve dhe shtjellimit të provave, mori ktë vendim.
Ngjarja ka ndodhur gjatë këtij viti me datën 25 korrik, rreth orës 13:20 në fshatin Berivojcë, komuna e Kamenicës, ku i akuzuari Nuhi Maroqani, pas një fjalosje me gruan e tij me një shufër metalike me gjatësi 73cm e kishte goditur në krah e pastaj në kokë e fytyrë ku edhe i kishte krijuar plagë vdekjeprurëse bashkëshortes së tij, tani të ndjerën S.M, 34 vjeçare.
Njoftimi i plotë i Gjykatës Themelore të Gjilanit:
Dënim me burgim të përjetshëm për të akuzuarin N. M.
Gjykata Themelore në Gjilan ka shpall aktgjykim dënues me burgim të përjetshëm ndaj të akuzuarit N. M.
I akuzuari dyshohet se me datë 25.07.2020 rreth orës 12:00 minuta, në shtëpinë e tyre të përbashkët në fshatin Berivojcë, Komuna e Kamenicës, për shkak të mosmarrëveshjeve të vazhdueshme familjare më parë dhe në ditën kritike, më dashje e ka privuar nga jeta anëtaren e familjes, bashkëshorten e tij tani të ndjerën S. M., në atë mënyrë që fillimisht janë fjalosur e më pas i pandehuri ka marr një shufër metalike – mjet të përshtatëm me gjatësi 73 cm, e godet fillimisht në parakrahun e dorës së majtë dhe më pas njëherë në anën e majtë të kokës e cila rrëzohet në dysheme, më pas i pandehuri vazhdon të godas me shufër metalike disa herë në kohë dhe në anën e djathtë të kokës, në fytyrë afër syrit , duke i shkaktuar plagë të hapura në kokë, thyerje në anën e majtë të kafkës, të cilat plagë kanë qenë vdekjeprurëse.
Me këto veprime, i akuzuari ka kryer veprën penale “vrasje e rëndë” vepër e sanksionuara me Kodin Penal të Republikës së Kosovës (KPRK).
Trupi gjykues i Departamentit të Krimeve të Rënda, në përbërje të kryetarit, Zyhdi Haziri dhe anëtarëve Ramiz Azizi dhe Naser Maliqi, pas dëgjimit të dëshmitarëve dhe shtjellimit të provave, ka shqiptuar dënim me burgim të përjetshëm për të akuzuarin N. M.
Kolegji i gjyqtarëve nuk ka gjet ndonjë rrethanë lehtësuese për të akuzuarin, por të gjitha rrethanat kanë qenë rënduese, duke marrë parasysh prezencën e fëmijëve në ditën kritike, gjendja e të ndjerës dhe fëmija i porsalindur (një muajsh), kanë dhënë arsye që dënimi të jetë kapital.
Palët kanë të drejtën e ankesës ndaj këtij vendimi në Gjykatën e Apelit./InLajmi/
