Shtëpia e Bardhë në komunën e Prizrenit e Parku Arkeologjik i Muzeut Kombëtar të Prishtinës janë shëndrruar në ngjyrë portokalli mbrëmë në nder të fushatës “16 ditë të aktivizmit kundër dhunës në baza gjinore”, fushatë kjo e nisur nga UNDP-ja, përcjell InLajmi.
Parku është vendi i katërt i trashëgimisë kulturore – pas urave Terzi dhe Tabak në Gjakovë dhe qytetit antik të Ulpianës që kanë shëndrruar ngjyrat portokalli për të rritur ndërgjegjësimin mbi rëndësinë e parandalimit dhe eliminimit të dhunës ndaj grave dhe vajzave.
Kryetari i Komunës së Prizrenit Mytaher Haskuka ka thënë se kjo dërgon një mesazh të fuqishëm për të rritur ndërgjegjësimin e dhunës ndaj grave dhe vajzave.
Haskuka shtoi se Komuna e Prizrenit mbështet gratë në dhënien e më shumë mundësive për fuqizim ekonomik përmes punësimit dhe mundësive vendimmarrëse, duke pasur gratë udhëheqëse në gjashtë departamente komunale si dhe nënkryetaren për komunitete, në lidhje me barazinë gjinore në vendimmarrje dhe qeverisje.
Të pranishëm në këtë ngjarje ishin Maria Suokko, përfaqësuese e përhershme e UNDP-së, Niels Knudsen, zëvendëspërfaqësues i përhershëm, Neil Taylor, shefi i BERZH-it për Kosovë dhe kryetari i Komunës së Prizrenit, Mytaher Haskuka./InLajmi/
