Banorët e Krushës së Madhe se të Vogël janë bashkuar sot dhe kanë proetstuar para Gjykatës së Apelit pasi që kjo e fundit kishte marrur vendim që t’i falen 11 vite dënim Darko Tasqi një person i akuzuar për krime lufte në Krushë, raporton InLajmi.
Kryetari i Gjykatës së Apelit, Hasan Shala para banorëve të Krushës së Madhe dhe të Vogël, ka thënë se nuk ka pasur prova që Darko Tasiqi ka qenë vrasës.
Ai ka ftuar familjarët që të hyjnë brenda për të biseduar rreth vendimit të Apelit, por protestuesit e kanë refuzuar kërkesen e tij duke i kërkuar që të rrinte të bisedonte jashtë me ta.
“Nëse jeni të interesuar të bisedojmë, ejani një grup deri ua jap sqarimet e nevojshme” .
Shala tha se brenda një ore do të publikohej aktgjykimi dhe se çdo gjë do të jetë transparente.
“ Brenda një ore do të publikohet aktgjykimi. Asgjë s’ka me qenë jotransparente”.
Arsim Shehu kërcënoi se në protestën e radhës do e djegin gjykatën.
“Ishalla shihemi në protestat e radhës e do e djegim këtë gjykatë. Kjo gjykatë nuk vlen për Krushën e Vogël. Gjaku i atyre të vrarëve i mbuloftë këta”.
Gjykata e Apelit ka përgjysmuar dënimin e Darko Tasiqit, i dënuar për krime lufte, nga 22 vjet në 11.
Në një deklaratë për media, Gjykata e Apelit thotë se e ka aprovuar pjesshëm ankesën e mbrojtësve të akuzuarit Darko Tasiq. /InLajmi/
