Të dielën që lamë pas u mbajtën zgjedhjet komunale në dy komuna të Kosovës atë të Mitrovicës Veriore dhe të Podujevës. Sot pas 4 ditësh Komisioni Qendror i Zgjedhjeve (KQZ) ka shpallur rezultatet përfundimtare të këtyre zgjedhjeve, raporton InLajmi.
Kryetarja e KQZ-së, Valdete Daka ka bërë të ditur se numri i votuesve kanë në Podujevë ka 34.873 votues, me kusht dhe me postë 919 votues ose 40.76% të atyre që kanë pasur të drejtë vote.
Sipas rezultateve në Podujevë ka fituar kandidati i Vetëvendosjes, Shpejtim Bulliqi me 18.286 vota apo 51.9 %, kurse në Mitrovicë të Veriut, kandidati i Listës Serbe, Milan Radojeviq me 89.5%.
Kandidati Naim Fetahu i PDK-së ka marrë 4.341 vota apo 12.3%.
Në Mitrovicën e veriut, kanë votuar 8.874 persona, me kusht dhe me postë 172 persona, ose 38.8% e atyre me të drejtë vote.
Erden Atiq nga VV-ja ka marrë 4 për qind, kandidati i pavarur Dusan Milunoviq 2.9 për qind dhe kandidati i PDK-së, Florent Azemi 3.6 për qind të votave. /InLajmi/
