Kryeministri i Republikës së Kosovës, Avdullah Hoti ka thënë se shumë shpejt do të organizohet tryeza e përbashkët e partive politike për të biseduar për çështjen e presidentit, raporton InLajmi.
Do të ndjekim vetëm një zgjidhje kushtetuese dhe unë besoj që shumë shpejt do të organizohet tryeza e partive politike për të parë disponimin e partive politike nëse ka disponim të diskutohet për të gjetur një zgjidhje për presidentin e vendit.
Hoti ka thënë se çfarëdo vendimi që merr Gjykata Kushtetuese ata do ta pranojnë.
Sa i përket Gjykatës Kushtetuese ju e dini qëndrimin tonë standard që e kemi pas, se çfarëdo vendimi që del nga ajo gjykatë ne do ta pranojmë.
Kreu i shtetit tha se vetëm një tryezë e përbashkët politike mund të arrijë në zgjidhjen e çështjes së presidentit dhe shtoi se përgjigjen për këtë do ta jap së shpejti.
Secili prej partive siç duket ka qëndrime të caktuara dhe nuk jemi ulur në tryezë të partive politike parlamentare për të parë se a ka vullnet që të zgjidhet një president dhe nëse ka vullnet dhe nëse ka vullnet cilat janë propozimet e tyre dhe e dimë propozimin e AAK-së, dhe tash po duket edhe të PDK-së, dhe tash në ditët e ardhshme organizohet kjo tryezë.
Ne vetëm në tryezë mund t’i gjejmë ato zgjidhje, dhe besoj që në ditët e ardhshme mund të japim përgjigje për këtë./InLajmi/
