Familjarët e Krushës së Vogël dhe të Madhe kanë protestuar para Gjykatës së Apelit për të protestuar kundër dënimit ndaj kriminelit të luftës, Darko Tasiq për ulje të dënimit mbi krimet e kryera në këtë fshat, përcjell InLajmi
Kryetari i Gjykatë së Apelit Hasan Shala doli dhe i kërkoi brenda për të biseduar duke iu thënë së është në krah të shqetësimeve të tyre.
Unë jam në krah të shqetësimeve tuaja. Ejani brenda një grup prej sa të doni vetave dhe ju jap çdo sqarim që është i nevojshëm. Edhe unë jam me popull. Do të publikohet aktgjykimi brenda një ore. Transparenca ka me qenë milimetrike.
Mirëpo, protestuesit e refuzuan kërkesën e tij dhe iu drejtuan me akuza duke thënë se Tasiq i ka djegë babain dhe eshtrat e të gjithë familjarëve të tij.
Darko Tasiq ma ka djegë babën. I ka djegë eshtrat e të gjithë familjarëve tonë dhe i ka hedhë me kamion në lumin Drin
Kryetari i Këshillit të fshatit Krushë e Madhe, selami Hoti ka kërkuar që avokatët e njerëzit e drejtësisë duhet ti ndihmojnë në sigurim të sa më shumë dëshmive e jo ulje të denimeve duke i thënë se prova më të mëdha se varret e të gjithë të vrarëve nuk ka asnjë.
Hajdeni shihni varret tona, prova më të mëdha nuk ka.
Sipas pikës 1 të aktakuzës, Tasiq në Krushë të Vogël mori pjesë në konfiskim të pasurisë, plaçkitje, shkatërrim të paligjshëm dhe të qëllimshëm të pasurisë (djegien e shtëpive) që nuk justifikohej me nevojat ushtarake.
Sipas pikës 2 të aktakuzës, ai akuzohej edhe me veprime të tjera si pjesëmarrje në përdhosjen e trupave të pajetë të personave të paidentifikuar, duke i djegur ato dhe duke i hedhur në lumin Drin, ndërsa tani kundrejt tij është marrë venimi të ia ulin dënimin nga 22 vite në 11./InLajmi/
