Deputeti i Partisë Demokratike të Kosovës, Kujtim Gashi, ka njoftuar se në Komisionin për buxhet dhe transfere, pas reflektimit të Qeverisë në raport me kërkesat e PDK-së, ka kaluar Projektligji për rimëkëmbje ekonomike.
Bashkë me z. Bedri Hamza, si anëtarë të Grupit parlamentar të Partisë Demokratike të Kosovës në Komisionin për buxhet dhe transfere, kemi arritur t’i shtynim përpara amendamentet, të cilat kanë qenë kërkesa të PDK-së, pas diskutimeve që kemi pasur si subjekt politik me komunitetin e biznesi.
Kërkesat e PDK-së të propozuara përmes amendamenteve janë:
-Pako pre 200 milionë eurosh për bizneset.
-Mbështetje me nga 300 euro për tre muaj për punëtorët që kanë humbur vendet e tyre të punës për shkak të pandemisë.
-Rimbursimi i 10% të mjeteve të tërhequra nga Fondi Pensional i Kosovës, për të gjithë ata që kanë deri në 9.999.00 euro, shkruan Indeks Online.
-Lirimi nga TVSH-ja për lëndën e parë e cila prodhohet nga veprimtaritë biznesore, pavarësisht a eksportohen jashtë vendit.
