Shërbimi Korrektues i Kosovës ka njoftuar se mbrëmë në Spitalin Rajonal të Pejës ka ndërruar jetë i burgosuri me incialet H.B, i lindur në vitin 1942, përcjell InLajmi.
I burgosuri, rreth orës 16:50 me rekomandim të mjekut të Q.K Dubravë është dërguar në Spitalin Rajonal të Pejës, ku përkundër ofrimit të ndihmës mjekësore në Repartin e Kirurgjisë, i njëjti ka ndërruar jetë mbrëmë rreth orës 23:30.
Sipas njoftimit tëShërbimi Korrektues i Kosovës, i burgosuri H.B po vuante nga hipertensioni arterial për çka edhe po trajtohej në vazhdimësi nga mjekët e institucioneve korrektuese.
I njëjti ishte i dënuar për Veprën Penale – Vrasje.
Organet kompetente janë duke i zhvilluar procedurat ligjore, ndërsa autopsia do të verifikojë shkakun e vdekjes./InLajmi/
