Që nga vendosja e shtatoreve në Prizren e deri tani ka pasur shume reagime, përcjell InLajmi.
Edhe kryetari i PSD-së ka reaguar lidhur me këtë çështje. Ai ka thënë se ata të cilët e paraqesin Skënderbeun si oborratrë të Sulltanit, javë vetë oborrtarë të Erdoganit.
Ata që e paraqesin Skënderbeun si oborrtarë të Sulltanit, janë vetë oborrtarë të Erdoganit
Molliqaj këtë projektim e ka parë të shëmtuar pasi që autori i veprës e përcillte mesazhin se Skendërbeu është i perandorisë që Sulltani e donte si të birin e vet.
Autori i veprës edhe artistikisht të shëmtuar na e tha qartë motivin dhe burimet që ka përdorur. Ai na tha se Skënderbeu i tij është Skënderbeu i perandorisë që Sulltani e donte si të birin e vet, tha ai në facebook.
Poashtu ai e akuzoi edhe kryetarin e Prizrenit pasi ky e fundit e kishte konsideruar “origjinale”.
Postimi i plotë i tij:
Ata që e paraqesin Skënderbeun si oborrtarë të Sulltanit, janë vetë oborrtarë të Erdoganit
Ngrirjet e momenteve sublime të historisë qoftë si data, qoftë si përmendore janë shëmbylltyra për orientim. Skënderbeu i shqiptarëve nuk është sanxhakbej, por as kalorësi i krishtërimit. Skënderbeu i shqiptarëve është Skënderbeu si unifikues antiperandorak. Skënderbeu që lirinë e gjen në shpirtin e popullit të vet.
Disiplinimi i Skënderbeut në Prizren është në përputhje të plotë me neo-otomanizmin e projektuar nga Erdogan. Ky projektim nuk e duron Skënderbeun në pozicion lufte. Autori i veprës edhe artistikisht të shëmtuar na e tha qartë motivin dhe burimet që ka përdorur. Ai na tha se Skënderbeu i tij është Skënderbeu i perandorisë që Sulltani e donte si të birin e vet. Kryetari Haskuka e mbrojti atë duke e quajtur “origjinale”. Mos harroni, ky është rasti i dytë që partia regjim zbaton instruksionet e Erdoganit. Rasti i parë është favori marramendës që ish-ministri Besnik Bislimi i pati bërë kompanisë “Limak” që është pronare e aeroportit./InLajmi/
