Kandidati për kryetar të Podujevës i LDK-së, Nexhmi Rudari, ka hedhur votën e tij në kutinë e votimit në shkollën “Naim Frashëri” në Podujevë, raporton InLajmi.
Ai e ka konsideruar këtë një ditë të jashtëzakonshme për faktin se janë zgjedhje të jashtëzakonshme mirëpo edhe gjendja si pasojë e koronavirusit është e jashtëzakonshme. Poashtu i ftoi qytetarët që të dalin të votojnë duke respektuar masat anti-Covid.
“Falenderoj të gjithë këta komisionerë që janë zgjuar herët për të filluar një punë të mbarë. Është një ditë e jashtëzakonshme, sepse janë zgjedhje të jashtëzakonshme, poashtu jemi në gjendje të jashtëzakonshme. I bëj thirrje qytetarëve që të dalin të votojnë dhe të rrespektojnë masat kundër Covid-19, që ta kalojmë me sukses edhe këtë ditë të zgjedhje dhe sigurisht edhe këtë pandemi”,tha Rudari./InLajmi/
