Sindikata e Bashkuar e Arsimit dhe Shkencës (SBASHK), në një prononcim për Gazetën InLajmi ka bërë të ditur se ditën e hënë nuk do të mbahet mësimi në asnjë prej Institucioneve shkollore në Republikën e Kosovës, përkundër vendimit të Kryeministrit të Kosovës, Avdullah Hoti i cili ka caktuar ditën e hënë si ditë pune, shkruan InLajmi.
Kryetari i Sindikatës së Bashkuar të Arsimit dhe Shkencës, Rrahman Jashari ka thënë se vendimin që dita e hënë të jetë ditë pushimi e kanë bazuar në kalendarin e nxerrë nga vetë MASHTI dhe pas konsultimeve me antarët e SBASHK-ut mendojnë që e hëna duhet të jetë ditë pushimi.
Ne jemi konsultuar dhe në bashkëpunim me arsimtarë, të premtën orët e para ia kanë kushtuar ditës së flamurit dhe ditëlindjes së Komandantit tonë lexhendar dhe i kanë informuar nxënësit e Kosovës duke u bazuar në kalendarin që e kanë nxjerrë vetë MASHTI se të henën do të ketë pushim dhe pas konsultimeve me antarësinë ne mendojmë se e hëna duhet të jetë ditë pushimi, ka thënë Jashari, për InLajmin
Tutje ai ka thënë se arsimi në Institucionet Shkollore është duke u mbajtur në rrethana jashtëzakonisht të vështira duke marrë parasysh edhe numrin e nxënësve të prekur me COVID-19. Jashari deklaroj se ky është një nga gjysëm vjetorët më të vështirë që nga koha e okupimit serb.
“Ne jemi duke bërë përpjekje për ta përmbyllur sa më mirë gjysëmvjetorin e këtij viti shkollor në këto rrethana dhe kushte kaq të vështira dhe sepse për nxënësit në këtë situatë është mirë të pushohet për ta përbyllur një nga gjysëm vjetorët më të vështira, mbase edhe më të vështira se kohët e okopumit”
Kryetari Jashari tregon për Gazetën InLajmi se SBASHKU dhe sindikatat e tjera nuk koordinohen me Institucionet e tjera por obligimin e vetëm e kanë konsultimin dhe koordinimin bashkë me mësimdhënësit.
“SBASHK-u dhe sindikatat e tjera nuk koordinohen me Institucionet e tjera dhe SBASHKU e ka për obligim që të konsultohet me mësimdhënësit dhe me komunat pasi që një pjesë e madhe e mësimdhënësve i janë drejtuar SBASHK-ut me telefonata dhe ne i kemi treguar për vendimin tonë dhe nga e marta do vazhdojnë mësimin, duke bërë përpjekje për ta përmbyllur sa më mirë gjysëmvjetorin e këtij viti shkollor”.
Gazeta InLajmi provoi të kontaktoi me Ministrinë e Arsimit, mirëpo kontakti me zëdhëndësen e Arsimit, Diellza Kukaj, ishte i pa mundur sepse numri i saj ka qenë i paçasshëm./InLajmi/
