Bokseri Haxhi Krasniqi sot u shpall “Qytetar Nderi” nga Komuna e Skenderajt për ngritjen e imazhit në botë kur u shpall kampion bote në vitin 2020, raporton InLajmi.
Këtë titull ia dorëzoi kryetari i Komunës së Skenderajt, Bekim Jashari, e Haxhi Krasniqi tha se ndihet me emocione të njejta si ato para ringut.
“Ndjehem me emocione të mëdha, gati të njëjta me ato sikur kur dal në ring. Këtë titull e marr me shumë përgjegjësi dhe do të përkushtohem që t’i sjell edhe më shumë suksese Kosovës dhe në veçanti familjes Jashari”.
Ai tha që ky është një nga titujt që ka rëndësi të jashtëzakonshme në jetën e tij andaj edhe do ta mbajë me shumë krenari
“Do ta mbajë me shumë krenari të madhe. Ky është një prej titujve shumë të mëdhenj që e kanë një vend shumë të posaçëm në jetën time. Ky është një vend i shumë dëshmorëve të luftës,është vend i paqes dhe lirisë”.
Kampioni i Botës tha se është ushtar jo me uniformë, por me dorëza dhe duke premtuar që do bëjë përpjeket që të sjellë sa më shumë suksese
“Prandaj, unë jam një ushtar jo me uniformë, por me doreza të boksit që këtij vendi t’i sjellë edhe më shumë suksese”./InLajmi/
