Kryetari i Aleancës për Ardhmërinë e Kosovës, Ramush Haradinaj për nder të festës së 28 nëntorit ka bërë homazhe tek varrezat në Gllogjan për të nderuar sakrificën e të rënëve për liri, përcjell InLajmi.
Haradinaj këtë vizitë e bëri bashkë me kolegët e saj në Isniq, Carrabreg e Gllogjan.
Haradinaj në një postim në rrjetin e tij social ku tha se asnjë festë e as vetë liria nuk do të kishte kuptim pa nderimet për të rënët e lirisë.
Asnjë festë, e as vet liria dhe dita e madhe që e shënojmë sot, nuk do të kishte kuptim pa ta.
Përveç Ramush Haradinajt për homazhe ishin edhe pjesëtarë tjerë të AAK-së, Bashkim Ramosajt Besnik Tahiri, Selim Selimi dhe Ramë Likaj.
Postimi i tij i plotë:
Në festën e Flamurit Kombëtar, ishim sot në Isniq e Carrabreg, për të zbuluar lapidarët e të rënëve për liri.
Së bashku me kolegë, vendosëm lule tek bashkëluftëtarët e mi që pushojnë në Gllogjan. Ata dhe shumë heronj të tjerë anekënd Dukagjinit e Kosovës, e nderuan Shqipërinë me beteja deri në frymën e fundit.
Asnjë festë, e as vet liria dhe dita e madhe që e shënojmë sot, nuk do të kishte kuptim pa ta.
Gëzuar shqiptarë!./InLajmi/
