Si asnjëherë më parë, Dua Lipa ka rishpikur konceptin e filmit koncert me “Studio 2054”, event i transmetuar direkt në streaming në mbarë botën njëkohësisht, shkruan InLajmi.
Në pak më shumë se një orë spektakël, ylli i popit ka prezantuar të gjitha hitet e saj më të suksesshmee, shoqëruar me një narracion të pasuruar me shkëmbime të vazhdueshme skenash e kostumesh dhe ndërhyrjesh të të ftuarve prestigjiozë nga Kylie Minogue, deri tek Elton John.
Transmetuar në platformën LiveNow, një rrjet i ri i shpërndarjes së përmbajtjes, që ka si objektiv argëtimin, përfshirjen dhe edikimin përmes sportit, koncerteve, fitnesit, komedisë etj, koncerti i Dua Lipës ka qenë tentativa e radhës për të shembur bllokadën e eventeve live, që pandemia ka shkaktuar në industrinë diskografike. .
Dua ka ofruar një lloj rikthimi në koncertet e viteve të ’80-ta, një lloj muzikali me duete, ndryshime skenash dhe fluks narrativ. Në një garazh të shndërruar në një disko klub të viteve ’80, ajo shfaqet në qendër, e veshur me të bardha dhe e shoqëruar nga një grup baleti./InLajmi/
