Kryetari i Komunës së Skenderajt, Bekim Jashari në ditën e Flamurit tha se është absurde sesi 21 vjet pas luftës shteti nuk ka arritur ende të bëjë konservimin e kullave të Jasharajve pasi që sipas tij këto kulla kanë mbetur nën mëshirën e fatit dhe dita ditës priten që ato të shemben.
Jashari kritikoi edhe mos dokumentimin e krimeve dhe historisë së vendit, për çka tha se sot po përballet vendi me akuza te pabaza.Sipas tij, festa e 28 nëntorit shënon tri data thelbësore. Atë të festës së Flamurit, 108 vjetori e Pavarësisë së Shqipërisë, ditëlindjen e 65-të e Komandantit tonë Legjendar Adem Jashari dhe Dalja Publike e Ushtrisë Çlirimtare të Kosovës, data këto që mundësuan lirinë e pavarësinë
Nëntori na kthen kujtesën 65 vite pas, kur në Prekazin tonë historik, lindi Komandanti Legjendar Adem Jashari, i cili tërë jetën e tij ia kushtoj vendit, duke filluar me kontributin e tij në demonstratat e vitit 1981, ku kërkesë e vetme në këto demonstrata ishte liria dhe pavarësia e vendit tonë. . Komandanti Legjendar i Ushtrisë Çlirimtare të Kosovës Adem Jashari, së bashku me shumë luftëtarë, trima e trimëresha anë kënd vendit luftuan pa ndalur kundër agresorit serb për të mundësuar që ne dhe gjeneratat e reja të jetojnë të lirë dhe të pavarur.
Jashari foli edhe gjendjen e kullave të Jasharajve, qe sipas tij kane mbetur nën mëshimin e kohës dhe ditës.
Është absurde dhe e papranueshme që sot, 21 vite pas luftës ende shteti jonë nuk ka arritur të bëjë konservimin e kullave të Jasharajve të cilat kanë mbetur nën mëshirën e kohës dhe dita ditës rrezikohen të shemben.
Ai, tha se Baba Shaban, babushi Hamza dhe bali Adem kishin vendosur që luftën për lirinë e Kosovës ta vazhdojnë deri në frymën e fundit dhe së bashku me anëtarët e familjes dhe tërë lagjen Jasharaj luftuan kundër forcave serbe, për tri ditë rresht, deri në rënien e tyre heroike në altarin e Lirisë.
Kryetari i komunës së Skenderajt, Bekim Jashari ka bërë thirrje që të punohet më shumë, përtej dallimeve ideologjike, politike e konceptuale, në zhvillimin e vendit, fuqizimin e rendit e ligjit, arsimit, shëndetësisë e rinisë, luftimin e korrupsionit e nepotizmit, rritjen e punësimit dhe ndaljen e migrimit të të rinjve jashtë vendit.
Ai theksoi se sot patriotizëm është besimi në vlerat institucionale e demokratike, kujdesi për shtetin, për pronën publike, mjedisin, ruajtjen e vlerave tona tradicionale e historinë tonë të lavdishme, transmeton klankosova
Jashari tha se sot kujtohet sakrifica e popullit shqiptarë, vuajtjet por në të njëjtën kohë dhe krenaria dhe sukseset e arritura gjatë historisë në formësimin dhe zhvillimin e kombit.
