Mungesa e kourumit të vendimarrjes ka berë që edhe sot Kuvendi i Kosovës të dështoj në miratimin e 3 marrëveshjeve ndërkombërare, raporton InLajmi.
Për t’u arritur një marrëveshje ndërkombëtare janë nevojitur 2/3 vota të dëputetëve të Kuvendit të Republikës së Kosovës,kurse në këto 3 marrëveshje kanë votuar vetëm 52 deputetë, për çka nuk ka pasur kuorum që të njëjtat të miratohen.
Kuvendi nuk ka arritur të miratojë Projektligjin për ratifikimin e Marrëveshjes ndërmjet Republikës së Kosovës dhe Asociacionit Ndërkombëtar për Zhvillim lidhur me financimin e programit – nxitja dhe levimi i mundësive për sigurimin e ujit.
Po ashtu, nuk ka arritur të votohet as Projektligji për ratifikimin e Marrëveshjes së Kredisë për likuiditet të urgjencës së infrastrukturës vitale, ndërmjet Republikës së Kosovës dhe Bankës Evropiane për Rindërtim dhe Zhvillim, si dhe Projektligjit për ratifikimin e Kontratës Financiare ndërmjet Republikës së Kosovës dhe Bankës Evropiane për Investime për Projektin e Impiantit të Ujërave të Zeza në Gjilan./InLajmi/
