Deputeti shqiptar në Parlamentin e Serbisë, Shaip Kamberi ka reaguar sërish pasi atij nuk i është lejuar të mbajë flamurin kombëtar në Kuvendin e Serbisë, përcjell InLajmi.
Ai ka thënë se Serbia mbetet shteti i vwtëm në rajon që ndalon përdorimin e simboleve kombëtare për pakicat e veta.
Postimi i plotë i tij:
“BARAZI NË TË DREJTA, PARAKUSHT PËR PAQEN NË RAJON
“Serbia mbetet i vetmi shtet në rajon që e ndalon përdorimin e simbolit kombëtar për pakicën e vet, përmes ligjit për minoritete.
Përderisa pakica kombëtare serbe përdor ligjshëm flamurin në Graçanicë, Kumanovë e Kotor; flamuri shqiptar ndalohet në Luginën e Preshevës.
Barazia nuk duhet ndërtuar duke ia ndaluar pakicave kombëtare përdorimin e simboleve të tyre kombëtare.
Prandaj sot vendosa flamurin shqiptar në parlament, krahas flamurit serb.
Ligji për minoritete duhet të ndryshohet në Serbi.
Flamuri shqiptar të legalizohet dhe të valojë në Luginë, ashtu sikurse po valon ligjshëm flamuri serb në Graçanicë, Kotor dhe Kumanovë.
Simbole të ligjshme kombëtare për çdo pakicë kombëtare në rajon, pa dallim.
Barazia në të drejta është parakusht për paqen rajonale”./InLajmi/
