Pandemia Covid-19 e ka kthyer gjithë botën disa hapa prapa në raport me barazinë gjinore. Gratë më shumë se kurrë i kanë rimarrë rolet si amvise në shtëpi, njoftojnë Kombet e Bashkuara, transmeton InLajmi.
Kjo deklaratë vjen një ditë pasi organi ndërkombëtar paralajmëroi se pandemia po nxit dhunë të mëtejshme ndaj grave dhe vajzave refugjate, të zhvendosura dhe pa shtetësi.
Raporti i fundit nga UN Women zbuloi se, ndërsa të dy plaët, gratë dhe burrat kanë marrë një punë shtesë shtëpiake të papaguar gjatë gjithë pandemisë, gratë përballen me një barrë më të madhe kujdesi.
UN Women analizoi të dhënat e disponueshme në 38 vende për të mbledhur shifrat mbi punën e papaguar dhe zhvilloi sondazhe në gati 50 vende, duke përdorur një metoda telefonike dhe online.
Ky raport zbuloi se gratë po merrnin më shumë detyra shtëpiake sesa burrat gjatë gjithë pandemisë dhe kishin më shumë gjasa të largoheshin nga fuqia punëtore.
Rreth 60% e grave dhe 54% e burrave raportuan se kishin rritur sasinë e kohës së kaluar në punë të papaguara në shtëpi që kur filloi pandemia, thotë raporti.
Por, gratë raportuan se kishin marrë një intensitet më të madh të punëve shtesë shtëpiake edhe për periudha më të gjata sesa burrat.
Gratë e pyetura për raportin vlerësuan se kishin marrë një shtesë prej 5.2 orësh të kujdesit për fëmijë çdo javë, ndërsa burrat raportuan një shtesë prej 3.5 orësh të shpenzuar për kujdesin e fëmijëve.
Kjo tregoi se, “në shumicën e vendeve, gratë po kalojnë 30ë orë në javë vetëm në kujdesin për fëmijët, pothuajse ekuivalente me kohën mesatare të kaluar në një punë me kohë të plotë në javë”, thuhet tutje në raport, shkruan CNN.
Edhe para pandemisë, UN vlerësoi se gratë tashmë kryenin 3 herë më shumë punë të papaguar dhe punë shtëpiake sesa burrat, duke arritur kolektivisht në miliarda orë në ditë./InLajmi/
