Ministri i Francës për tregëti të Jashtme, Franck Rienster ka deklaruar se presidenti Francez Emmanuel Macron është shumë i interesuar lidhur me rrjedhën dhe vazhdimësinë e dialogut Kosovë-Serbi. Këtë deklaratë Rienster e ka bërë sot gjatë një vizite në Beograd, përcjell InLajmi.
Riester theksoi se presidenti francez Macron e mbështet dialogun dhe shtoi se është një çështje së cilës ai i kushton shumë rëndësi dhe për të cilën ai personalisht është shumë i interesuar.
Edhe Presideni i Serbisë, Aleksandar Vuçiq theksoi se ka bërë bisedime të shpeshta me presidentin francez për Kosovën, ndërsa bëhet e ditur se Macron të njejtën temë po e bisedon edhe me kryeministrin e Kosovës Avdullah Hotin i cili e mbanë të informuar lidhur me rrjedhën e dialogut mes dy shteteve.
Macron ndjek çdo detaj të bisedimeve rreth dialogut dhe gjithçkaje që po ndodh në Bruksel. Franca është shumë e përfshirë në marrëdhëniet midis Beogradit dhe Prishtinës.
Vuçiq tregoi se Macron organizoi edhe Konferencën në Paris, konferencë kjo që iu përkushtua dialogut në mes Kosovës dhe Serbisë, raporton Tanjug.
Konferencë kjo në të cilën pos presidentit të Serbisë dhe Kryeministrit të Kosovës, e pranishme ishte edhe kancelarja gjermane Angela Merkel për ti dhënë shtysë për arritjen e marrëveshjes ndërmjet dy shteteve./InLajmi/
