Zyrtarët qeveritarë të shtetit të Greqisë kanë deklaruar se do të zgjasin masat e izolimit mbarkombëtar deri më 7 dhjetor. Ky vendim erdhi si pasojë e vazhdimësisë të ngritjeve të numrit të rasteve me koronavirus.
Numri i rasteve të rritura në tetor nga koronavirusi në Greqi e ka detyruar qeverinë për të dytën herë që të hyjë në izolim mbarkombëtar që prej se ka filluar pandemia.
Greqia deri më tani ka regjistruar 97,288 raste me koronavirus dhe 1,902 viktima. Pjesa veriore e vendit është goditur më së keqi, ku edhe spitalet janë të stërmbushura me pacientë.
Pavarësisht “indikacioneve të para” se numri i rasteve ditore po ulet, Greqia do të jetë në gjendje të planifikojë rikthimin në normalitet kur sistemi i saj shëndetësor të mos ketë fluks të madh të pacientëve, tha zëdhënësi i Qeverisë greke, Stelios Petsas, transmeton Reuters, transmeton Radio Evropa e Lirë.
Tash për tash, ne do t’i zgjasim masat kufizuese që janë vendosur kundër pandemisë, deri të hënën e 7 dhjetorit, tha Petsas.
