Faqja zyrtare e Parlamentit Evropian në Twitter e ka vlerësuar lart bashkëpunimin në lëmin e arsimit, në mes të komunës së Drenasit dhe landit Baden- Würtemberg, përcjell InLajmi.
Në rrjetin social Twitter, në veçanti shprehet falënderim për kryetarin e komunës së Drenasit, Ramiz Lladrovci, i cili mbajti edhe një fjalë rasti në takimin online.
Lladrovci në rrjetin e tij social në Facebook ka shkruar se është mirënjohës për këtë theksim të bashkëpunimit nga ana e Parlamentit Evropian për nxënësit e shkollave të Drenasit me shkollat e Baden-Würtembergut.
Postimi i plotë i tij:
“Faleminderit Baden-Würtemberg, faleminderit Gjermani, faleminderit Parlament Evropian!
Lajm i mirë dhe vlerësim nga Strasburgu, nga Parlamenti Evropian, për kontributin e nxënësve tanë, për pjesëmarrjen e nxënësve të komunës së Drenasit me nxënësit e Baden-Würtembergut.
Kjo e arritur e nxënësve tanë, në faqen e Parlamentit Evropian, me rrjetin social twitter, shprehet falënderim për bashkëpunimin e komunës dhe fjalë modeste imja me këtë rast, me partnerët tanë.
Komuna e Drenasit do të vazhdoj bashkëpunimin me shkollat e Baden-Würtemberg, për të sjell përvojat më të mira të arsimit, të arriturat si dhe njohjen me nivelin e nxënësve tanë, krahas moshatarëve të vet në Gjermani.
Jam mirënjohës për këtë theksim të bashkëpunimit nga ana e Parlamentit Evropian për nxënësit e shkollave tona me shkollat e Baden-Würtembergut.
Faleminderit Baden-Würtemberg, faleminderit Gjermani, faleminderit Parlament Evropian”, ka shkruar Lladrovci”./InLajmi/
