Walt Disney Co. po planifikon të heqë 3.,000 punonjës deri në fund të marsit, ndërsa pandemia vazhdon të godasë parqet e saj dhe biznesin e vendpushimeve, transmeton InLajmi.
Shkarkimet nga puna u zbuluan në një paraqitje në Komisionin e Letrave me Vlerë të SHBA-ve.
Disney ka të punësuar rreth 223.000 njerëz, sipas raportit të saj më të fundit vjetor, kurse tashmë kishte njoftuar planet për të shkurtuar rreth 28.000 vende pune në shtator.
Gjiganti mediatik dhe argëtues paralajmëroi se mund të zvogëlojë investimet në prodhimet televizive dhe filmike, çfarë do të çonte edhe në më shumë punonjës të pushuar nga puna.
“Disa nga këto masa mund të kenë një ndikim negativ në bizneset tona,” tha Disney për CNN.
Pandemia ka prekur tejmase biznesin e parqeve të Disney-t, i cili ka më shumë se 100.000 punonjës në Shtetet e Bashkuara. Kompania është detyruar gjithashtu të pezullojë lundrimet e anijeve turistike dhe të vonojë publikimet kryesore të filmave, të tilla si “Black Widow”, që pritej të ishte një nga filmat më të mëdhenj të vitit./InLajmi/
