Deputeti shqiptar në Kuvendin e Serbisë, Shaip Kamberi ka krijuar bujë sot pasi vendosi edhe flamurin shqiptar, krahas atij të Serbisë në një fjalim të tij.
Kryetari i Kuvendit, Ivica Daçiq i kërkoi atij që ta largonte, por Kamberi i tha që derisa flamuri serb valon në Graçanicë, edhe ai shqiptar duhet të lejohet në Serbi, pasi është e drejtë e Kushtetutës që lejon lirinë e shprehjes së identitetit kombëtar.
Ivica Daçiq ka folur për medie duke treguar arsyen e largimit të flamurit, duke thënë se niveli i tolerancës në Serbi është në nivelin më të lartë të mundshëm.
“Kështu që do t’ju kërkoja të hiqni flamurin e Shqipërisë, sepse nuk është flamuri i pakicës kombëtare shqiptare në vendin tonë. Nëse nuk e dëshironi atë, atëherë ne me të vërtetë do të bëjmë një pushim“, tha Daçiq,
Por, sikur të mos mjaftonte shtypja e lirisë së shprehjes, Daçiq nuk e la këtë punë të shkonte pa një provokim tjetër, transmeton EkonomiaOnline.
“Unë jam i kënaqur që ju vutë në dukje flamurin e Serbisë, që ju nuk punoni aq shpesh, dhe nga ana tjetër, përkundër faktit që ju theksuat flamurin e Shqipërisë, unë duhet të them se është më e lehtë për mua që ju nuk e vutë në dukje flamurin e Kosovës. se kur flamuri serb të valëvitet në Graçanicë, ai nuk është flamuri i një shteti të huaj, por i këtij shteti të Serbisë”, tha Daçiq.
