Shumë njerëz janë mbledhur në qytetin e Napolit për ta vajtuar vdekjen e legjendës së futbollit të Argjentinës, Diego Maradona. Ai është vlerësuar lart për stilin e lojës dhe të arriturat gjatë karrierës, ndërsa në Napoli shihet si “Zot”.
Adhuruesit e legjendës kanë kënduar këngë të ndryshme dhe kanë ndezur fishekzjarrë e qirinj pranë muralit të jashtëzakonshëm të legjendës së futbollit në një pjesë të qytetit.
60 vjeçari, Maradona iu bashkua Napolit në vitin 1984, në atë kohë për shumën rekorde prej 7.5 milionë dollarëve.
Maradona e ndihmoi Napolin që ishte autsajder, ta fitojë 2 herë titullin e Italisë. Ai krijoi një numër të madh të tifozëve.
Maradona ka pasur vështirësi të mëdha shëndetësore, derisa vdiq nga sulmi në zemër në shtëpinë e tij, në periferi të Buenos Aires, transmeton koha.net.
Napoli dhe regjioni përreth Campanias janë në zonën e kuqe të koronavirusit, që do të thotë se njerëzit nuk lejohen të dalin jashtë shtëpive të tyre nëse nuk kanë ndonjë emergjencë.
