Është bërë e zakonshme mungesa e korumit dhe dështimi i seancave parlamentare. Sërisht pasoja e mungesës së korumit ka bërë që të mos votohet Projektligji për ndarjet buxhetore për vitin 2021 në Komisionin për Buxhet dhe Trasnfere, raporton InLajmi.
Të njëjtin fat e pati edhe Projektligji për Rimëkëmbjen Ekonomike, fillimisht deputeti Shkëlzen Hajdini ka propozuar që dy Projektligje ai për Rimëkëmbje dhe ai i Buxhetit të shtyhen për mbledhjen tjetër.
Ndërsa deputeti i PDK-së Kujtim Shala ka thënë se Ligji për Rimëkëmbje është bërë problem për qytetarët e bizneset.
Përderisa deputeti i LDK-së, Fatmir Rexhepi ka thënë se Kuvendi është tepër vonë për ta votuar Projektligjin për Rimëkëmbjen Ekonomike.
Deputeti i AAK-së, Gazmend Abrashi ka thënë se problemi i Ligjit për Rimëkëmbje është bërë politik, kurse deputeti Veton Berisha ka thënë se e konfirmon se me votë publike e mbështetë propozimin e Kujtim Gashit të PDK-së në favor të amendamenteve.
Në Komision është miratuar raporti nëntëmuojr i Kuvendit të Kosovë. .Deputeti i PDK-së, Bedri Hamza, tha se për shkak të pandemisë shpenzimet janë më të ulëta.
“Shpenzimet për shkak të pandemisë mund të jenë më të ultë. Andaj s’duhet të merren si korrekte për tu krahasuar me vitin paraprak”.
Sekretari i përgjigjëm i Kuvendit Ismet Krasniqi. ka konfirmuar se për shkak të mosmbajtjes së aktiviteteve janë ulur shpenzimet.
“E mbaj përgjegjësinë që nuk është kursim por nga mosmbajtja e aktiviteteve janë ulur shpenzimet”.
Kryetari i Komisionit Hekuran Murati ka thënë se mund të bëhet racionalizim i shpenzimeve. /InLajmi/
