Flakron Shala: Do ta përfaqësoj me dinjitet dhe profesionalizëm Republikën e Kosovës

Që nga dje kur është bërë e ditur emërtimi i Flakron Shalës si konsull i përgjithshëm i Kosovës në Çeki jemi dëshmitarë të reagimeve të ndryshme që janë bërë kundër tij. E këtyre reagimeve iu është kundërpërgjigjur vetë Flakron Shala duke dhënë sqarime, përcjell InLajmi.

Ai ka thënë se prindi i tij Haxhi Shala si deputet i Kuvendit të Kosovës nuk ka më shumë autoritet sesa deputetët tjerë, pra ai nuk ka kompetencë të emërojë apo shkarkojë zyrtarë të MPJ-së dhe as konsuj të përgjithshëm.

Prindi im Haxhi Shala, si një deputet i Kuvendit të Republikës së Kosovës nuk ka as më shumë e as më pak autoritet ligjor e politik se deputetët tjerë- pra deputeti nuk ka kompetencë të emërojë apo shkarkojë zyrtarët e MPJ-së dhe as Konsujtë e Përgjithshëm.

Ai ka përfunduar studimet në Master dhe është në përfundim të Doktoraturës në Universitetin VSE (Prague University of Economics) në Republikën Çeke.

Ai thotë se në këtë pozitë është emëruar sipas ligjit në fuqi me propozim të MPJ-së dhe me dekretim të Presidentit të Kosovës.

“Në pozitën Konsull i Përgjithshëm i Republikës së Kosovës jam emëruar sipas ligjit në fuqi me propozim të MPJ-së dhe me dekretim të Presidentit të Kosovës.”

Poashtu ai ka shtuar se ky procesi është bazuar në CV-n e tij dhe përvojen pesë vjeçare si Menaxher shteti për Ballkanin dhe si anëtar në bordin e drejtorëve një kompani çeke.

I gjithë ky proces është bazuar në CV-n time dhe përvojën pesë vjeqare në pozitën si Menaxher shteti për Ballkanin dhe si anëtar në bordin e drejtorëve në Kompaninë Çeke Elanor a.s. pëfshirë kualifikimin universitar me gradën Master i Ekonomisë dhe PHD- kandidat, drejtimi Teoria e Ekonomisë.

Reagimin e tij e ka bërë përmes llogarisë në facebook.

Postimi i plotë i tij pa ndërhyrje:

Të nderuar miq, shoqeri civile dhe media të Republikës së Kosovës!

Meqenëse së fundmi disa media e portale kanë etiketuar emërimin tim në pozitën Konsull i Përgjthshëm i Republikës së Kosovës në Republikën Çeke, në shumë raste duke paragjykuar profilin tim, po ju jap këtë sqarim se:

Unë ndihem shumë i nderuar dhe i motivuar që si biri i një ish-ushtari të UÇK-së kam pasur mundësinë që të përfundoj studimet themelore Master dhe jam në përfundim të Doktoraturës në Universitetin VSE (Prague University of Economics) në Republikën Çeke.

Në pozitën Konsull i Përgjitḧshëm i Republikës së Kosovës jam emëruar sipas ligjit në fuqi me propozim të MPJ-së dhe me dekretim të Presidentit të Kosovës. I gjithë ky proces është bazuar në CV-n time dhe përvojën pesë vjeqare në pozitën si Menaxher shteti për Ballkanin dhe si anëtar në bordin e drejtorëve në Kompaninë Çeke Elanor a.s. pëfshirë kualifikimin universitar me gradën Master i Ekonomisë dhe PHD- kandidat, drejtimi Teoria e Ekonomisë.

Nëse unë jam djali i një deputeti dhe ish-pjesëtari të UÇK-së, kjo nuk do të duhej të përbënte pengesë dhe as të nxiste debat publik për asnjë shtetas të Kosovës që të emërohet në detyra shtetërore dhe as për mua.

Prindi im Haxhi Shala, si një deputet i Kuvendit të Republikës së Kosovës nuk ka as më shumë e as më pak autoritet ligjor e politik se deputetët tjerë- pra deputeti nuk ka kompetencë të emëroj apo shkarkoj zyrtarët e MPJ-së dhe as Konsujt e Përgjitḧshëm.

Jam i nderuar dhe i motivuar që si kuadër i përgatitur dhe edukuar në Republikën Çeke bashkë me përvojën time perëndimore, të përfaqësoj me dinjitet, profesionalizëm dhe kujdes Republikën e Kosovës kudo, në çdo takim, aktivitet apo detyra të Konsullit të Përgjithshëm. /InLajmi/