Janë katër skuadra që tashmë kanë siguruar kalimin në fazën e eliminimit direkt të Ligës së Kampionëve. Barcelona, Juventus, Chelsea dhe Sevilla, janë skuadrat e parë që kanë siguruar kalimin tutje, pas vetëm katër xhirosh të zhvilluara. Barcelona dhe Juventus janë pjesë e grupit G, dhe pas katër ndeshjeve të zhvilluara, katalanët numërojnë 12 pikë, ndërsa ‘Zonja e Vjetër’ nëntë pikë.
Kalimin tutje kanë siguruar edhe dy skuadrat e Grupit E, Sevilla dhe Chelsea, me nga 10 pikë të grumbulluara, transmeton Alsat M.
Gjatë ditës së mërkurë do të ketë edhe disa ndeshje të tjera në Ligën e Kampionëve, dhe pritet të shihet se cilat do të jenë skuadrat tjera që do të sigurojnë fazën e dytë të Ligës së Kampionëve.
