Kryetari i Prishtinës, Shpend Ahmeti ka bërë të ditur se komuna do të ndajë nga 80 euro subvcencion për familjet me asistencë sociale nga kjo komunë, si edhe për personat me nevoja të veçanta, përcjell InLajmi.
Sipas Ahmetit, ky vendim ka ardhur pas propozimit të Drejtorisë së Mirëqenien Sociale dhe drejtorit të saj, Dren Kukaj.
Postimi i plotë pa ndërhyrje i tij:
“Kategoritë e radhës për ndihma:
Me propozim të Drejtorisë së Mirëqenies Sociale dhe drejtorit Dren Kukaj, Komuna e Prishtinës do të ndajë nga një subvencion prej 80 Euro për secilen familje në asistencë sociale, në dy kategoritë e varfërisë si dhe subvencion prej 80 euro për secilin person me aftësi të kufizuar në komunën tonë. Pagesat do të bëhen në dhjetor”./InLajmi/
