Madje, për të siguruar votat që do të çonin në përcaktimin e një presidenti të ri të vendit, sipas Hotit, është i nevojshëm diskutimi i me partitë parlamentare opozitare.
”Është më se e qartë se vendi s’ka president edhe në bazë të Kushtetutës ne duhet ta zgjedhim presidentin e ri, për zgjedhjen e tij duhen së paku 80 vota në Kuvend, të cilat vota sigurisht ky koalicion qeverisës nuk i ka”.
”Që nënkupton nevojën që ne të ulemi me partitë politike opozitare për të parë nëse ka dakordim për zgjedhjen e presidentit, të cilën gjë shpresoj se do ta bëjmë së shpejti”.
”Nëse s’ka dakordim të tillë, atëherë sigurisht duhet të dakordohemi për datën e zgjedhjeve, sigurisht një datë e përshtatshme për qytetarët”.
Hoti në Klan Debat është shprehur se këtu 2 rrugë kushtetuese, do të ndiqen tutje deri në një rezultat final.
”Këto janë 2 rrugë kushtetuese që do të ndiqen në javët dhe në muajt e ardhshëm”.
”Unë besoj se shpejt do të organizohet tryeza e parë e partive ku do të shtrohen këto tema. Edhe unë po angazhohem në këtë drejtim”, përcjellë Klan Kosova.
”Nëse ka vullnet për zgjedhje të presidentit, për emra konkret, drejt një emri të përbashkët e nëse s’ka flasim për datë të zgjedhje. Tjetër opsion nuk ka”, është shprehur ai.
