Kreu i Aleancës për Ardhmërinë e Kosovës (AAK), Ramush Haradinaj, sot ka zhvilluar një takim virtual me ambasadorin Philip Kosnett si dhe me zyrtaren politike Marissa Polnerow, përcjell InLajmi.
Haradinaj e ka vlerësuar ndihmën e SHBA-së për kombin tonë.
ShBA-të ishin pranë nesh në periudhat më të vështira historike dhe në udhëkryqet në të cilat u gjendëm si komb.
Haradinaj përmes një shkrimi në rrjetin social Facebook, ka bërë të ditur se në këtë takim poashtu kanë diskutuar edhe për sfidat me të cilat po përballet Kosova dhe hapat e nevojshëm për të përmirësuar stabilitetin rajonal.
Tutje, i pari i AAK-së ka falënderuar ambasadorin Kosnett për kujdesin e tij.
“Ambasadorin e falënderoj për kujdesin e tij. Aleanca jonë me Shtetet e Bashkuara është e përjetshme”, ka përfunduar ai.
Postimi i tij i plotë:
Në takimin virtual me ambasadorin Philip S. Kosnett dhe zyrtaren politike Marissa Polneroë, diskutuam sfidat me të cilat përballet Kosova dhe hapat e nevojshëm për të përmirësuar stabilitetin rajonal.
ShBA-të ishin pranë nesh në periudhat më të vështira historike dhe në udhëkryqet në të cilat u gjendëm si komb. Në këtë frymë, kaloi edhe bashkëbisedimi i sotëm, ku morëm mbështetjen e plotë amerikane për tejkalimin e gjendjes në të cilën sot ndodhet vendi ynë.
Ambasadorin e falënderoj për kujdesin e tij. Aleanca jonë me Shtetet e Bashkuara është e përjetshme. /InLajmi/
