Dje kanë filluar fushatat zgjedhore për kryetar të komunës së Podujeve. Pas një dite anëtari i Kryesisë së Vetëvendosjes, Besnik Bislimi ka paraqitur të dhënat nga një sondazh lidhur me zgjedhjet e jashtëzakonshme në Podujevë, ku sipas tij, kandidati i VV-së, Shpejtim Bulliqi është duke udhëhequr garën, raporton InLajmi.
Bislmi thotë se duke u bazuar nga sondazhi Shpejtim Bulliqi i VV-së është kandidati më i preferuar nga të tjerët. Ai ka thënë sondazhi është kryer nga kompania “UBO CONSULTING” nga data 12-15 nëntor.
“Nga 12 deri më 15 nëntor kemi organizuar një sondazh me kompaninë UBO. Situata në terren është më e mirë sesa e jep sondazhi. 88.8 për qind e qytetarëve kanë deklaruar se Shpejtim Bulliqi është kandidat i pranueshëm”, tha Bislimi
Sipas tij marzha e gabimit është +/ -, 5%
Ai ka thënë se nga të dhënat e sondazhit Bulliqi është më i votuari, me 46 për qind, i ndjekur nga kandidati i LDK-së, Nexhmi Rudari, me 42 për qind, ndërsa kandidati i PDK-së, Naim Fetahu, 11 për qind.Bislimi është i bindur se situata nga 15 nëntori ka ndryshuar dhe se zgjedhja e kryetarit mund të përfundojë të dielën, pa pasur nevojë të shkohet në balotazh.
Ai pooashtu shtoi se 25 % e votuesve të LDK-së, tani do ta votojnë Bulliqin, ndërsa votat e AAK-së, kanë kaluar 100 % në anën e Vetëvendosjes./InLajmi/
