Debat i nxehtë u zhvillua në Pressing në mes të dy kandidatëve për kryetar të Komunës së Podujevës, Nexhmi Rudari dhe Shpejtim Bulliqi.
Anëtari i LDK’së ka akuzuar Bulliqin për korrupsion në kohën sa ishte kryetar i Komisionit për Shënjimin e Vijës Kufitare.
Sipas Rudarit kundërkandidati i tij ishte paguar nga shefi i AAK-së, Ramush Haradinaj, për të thënë se Kosova humbi territor me demarkimin e kufirit me Malin e Zi.
“Si t’i futi Ramushi lekët në xhep, e ndërrove mendjen”, tha Rudari.
Akuzat i mohoi kandidati i VV-së, shkruan Gazeta Express.
“Kur jam i bindur askush s’ma ndërron mendjen”, tha Bulliqi.
