Ankthi është një problem i madh dhe i zakonshëm në ditët e sotme dhe rrethanat e veçanta me të cilat po përballemi aktualisht sigurisht nuk po na ndihmojnë. Ankthi shfaqet në shumë forma dhe sjell shumë probleme të përditshme që mund të jenë të vështira për t’u përballuar, por ndoshta një nga më të zakonshmet dhe më të vështirat për t’u kapërcyer është se si ndikon në gjumë.
Ja disa këshilla të shkëlqyera që mund t’ju ndihmojnë se si të punoni me ankthin tuaj dhe të bëni një gjumë të mirë gjatë natës.
Këshilla e parë: Qëndroni zgjuar
Kjo tingëllon shumë kundër-intuitivës, por një nga shkaqet kryesore për ankthin gjatë natës është fakti që ndiheni të detyruar të flini. Po lëkundeni dhe po rretulloheni, po shikoni orën, po i thoni vetes që me të vërtetë DUHET të flini gjumë tani – dhe, natyrshëm, nuk ndodh.
Bëni të kundërtën – çohuni dhe mundohuni të qëndroni zgjuar. Bëni diçka relaksuese derisa tëfilloni të ndjeheni natyrshëm të përgjumur. Jo gjithmonë ndodhë shpejt, prandaj është më mirë që ta provoni këtë teknikë gjatë fundjavës, pasi mund të kaloni dhe gjithë natën zgjuar, por pasi të largoni tensionin dhe mos të ndiheni të forcuar për të fjetur, me shumë mundësi ndjesia e përgjumjes do të vijë natyrshëm.
Këshilla e 2-të:
Nëse zbuloni se mund të flini pak në disa net, por në disa të tjera jo, mbajtja e shënimeve të gjumit mund të jetë një ide shumë e mençur. Sigurohuni të shënoni të gjitha aktivitetet tuaja gjatë ditës, veçanërisht ato që janë para se të shkoni në shtrat. Në mëngjes, shtoni informacionin e hollësishme se sa gjumë keni bërë dhe kur ju ka zënë gjumi.
Me kalimin e kohës, do filloni të shihni një model. Do të vini re se disa aktivitete nxisin gjumin, ndërkohë që do disa të tjera, bëjnë krejt të kundërtën. Ju do të mësoni mënyrën më të mirë për të kaluar mbrëmjen tuaj në një mënyrë që të përmirësojë shanset për të bërë një gjumë të mirë. Dhe sapo të mësoni se çfarë funksionon më së mirë, thjesht qëndroni në të.
Këshilla e 3te-Largoni orën
Mund të mbani një orë alarmi diku (sepse ndoshta ju duhet të ngriheni në mëngjes për të shkuar në punë), por sigurohuni që ajo të mbetet e fshehur mirë. E kemi përmendur tashmë që shikimi i vazhdueshëm i orës tuaj nuk i përmirëson shanset tuaj për të fjetur, pasi krijon vetëm më shumë tension.
Kjo do të thotë se do të ishte më mirë të mos shikoni fare orën tuaj, por kjo natyrisht është më e lehtë të thuhet sesa të bëhet. E vetmja mënyrë për ta realizuar është ndoshta të fshehni orën tuaj – dhe ta fshehni mirë!
Këshilla e 4-të: Krijoni një oaz të qetë në dhomën tuaj të gjumit
Ambienti që na rrethon mund të luajë një rol të madh në humorin tonë, prandaj është e rëndësishme që dhoma juaj e gjumit të jetë një oaz paqeje dhe qetësie. Hiqni të gjitha ekranet nga dhoma juaj e gjumit, e njëjta gjë vlen për gjithçka që ju kujton punën – kjo do t’ju shkaktojë vetëm më shumë stress.
Sigurohuni që temperatura e dhomës tuaj të gjumit të jetë e duhura (është gjithmonë më mirë nëse është pak më e ftohtë sesa pak më e ngrohtë) dhe bllokoni të gjithë zhurmën dhe dritën e panevojshme në mënyrë që të krijoni një mjedis të përsosur për gjumë.
