Koreja e Veriut bëri thirrje të dielën për kontrollë më të rreptë të kufirit si dhe për kufizime të koronavirusit, për shkak të përkeqësimit të situatës së pandemisë.
“Ne duhet ta ruajmë me rigorozitet bllokimin e barrierave në mënyrë që ta mbrojmë sigurinë e kombit dhe mirëqenien e njerëzve në krizën shëndetësore”, sipas gazetës zyrtare të Partisë së Punëtorëve të Koresë, Rodong Sinmun.
Koreja e Veriut ka pretenduar vazhdimisht që vendi është i “lirë” nga koronavirusi, shkruan CNN.
Në një fjalim muajin e kaluar, udhëheqësi Kim Jong-un, tha se ishte mirënjohës për vendin që nuk kishte ndonjë viktimë nga sëmundja e COVID-19, transmenton Telegrafi.
Në anën tjetër, Koreja e Jugut raportoi të shtunën 330 raste të reja nga koronavirusi, duke e çuar numrin e përgjithshëm të të prekurve në 30 mijë.
